घरकुल
छोटसं एक घरकुल असावं,
सर्वांनी त्यात एकत्र राहावं
मिळून मिसळून सुख वाटावं,
संकटांत एकमेकांच्या साथ असावं

छोटसं एक घरकुल असावं,
अंघोळीसाठी लाईनीत उभ राहावं
जेवायला मोठ्या पंगतीत बसावं
छोट्याश्या त्या घरात गर्दी करून राहावं

छोटसं एक घरकुल असावं,
आई-बाबासावे काका-काकुंच प्रेम मिळावं
आजोबांच्या खांद्यांवर खेळावं,
आजीच्या गोष्टींत रमावं

छोटसं एक घरकुल असावं,
लहान भावंडांनी एकत्र खेळावं
घरापाठी खुलं अंगण असावं,
चांदण्या रात्री तिथे एकत्र बसावं.

छोटसं एक घरकुल असावं!!!