खूप दिवसांनी आज

मन विचार करू लागले,

कधीही तोंडावर न आलेले

ते शब्द बोलू लागले,

कानांनीहि ते ऐकले,

अन हृदयानी सोसले,

खूप दिवसांनी आज

मन कविता करू लागले,

ओठांवरचे हास्य आज

आसवांमध्ये बदलले,

कधी नव्हे ते आज

त्याचे चित्र नजरेत उतरले,

मीही डोळे घट्ट मिटले,

आसवांना थांबवले,

त्याच्या आठवणींना

नजरेआड घातले

पुन्हा माझ्या मार्गावर

माझे पाऊल टाकले,

दिशाभूल होणाऱ्या माझ्या

मनाला पुन्हा सावरले...!!!