उन्हाला पाण्याची तहान,

गारव्याला उन्हाची,

माणसाला सुखांची आस,

सुखांना अडचणींची,

तापणाऱ्या जमिनीला सावलीची आशा,

झाडाला सूर्यप्रकाशाची,

रात्रीला पहाटेची ओढ,

दिवसाला रात्रीची,

प्राण्यांना शिकाराची भूक,

शिकाराला पाल्यांची,

पक्ष्यांना घरट्यांची ओढ,

पिल्लांना पक्षांची,

आईला बाळाची ओढ,

बाळाला मायेची,

अतृप्तेला तृप्तपणाची तहान,

तृप्ततेला भाग्याची,

तृप्तताहि परावलंबी असताना,

कसा होईल बरे मनुष्य, तृप्ती?